''hewl bide û kurê xwe hînî kurdî bike''
li ber nehra Moskovayê, nêzî Meydana Sor, li derdora Kremlînê
Îro
li gorî saet yazdehê êvara Moskovayê bi kesekî ku ez nas nakim ra dersa min a
skype hebû, heke hûn bibêjin, hûn çawa hev nas dikin ez ji we re bêjim,
hesabekî min î instagramê heye ku ez li wir hewl didim ku kurdî hîn bikim,
gelek aktîf nebe jî car caran bikartînim. Rojekî kesekî bi navê Jwan Mella ji
min ra peyam şand û got, - bi inglîzî – gelo tu dikarî zêdetir parvekirinan bikî, ez gelek dixwazim
kurdî hîn bibim, min jî got ser seran, ser çavan heke tu bixwazî em dikarin ser
skype hev bibînin û ez alîkariya te bikim. Û me
îro hev dît.
Me skype vekir, hellö,
hii, filan behvan… Ew pronounciationa wî hema Sherlock anî bîra min û Tommyê
Peaky Blindersê J filan me dest bi axaftina Kurdî kir hêdî hêdî…
Li ber nehra Moskovayê, li hember yek ji avahiyên Seven-Sistersê
Jwan zilamekî 40 salî ye, zewicî ye, bavê lawikekî 6 mehî ye ku navê wî Dilovan e.
Dema ku min got ez ji Mêrdînê me gelekî bextewar bû û got malbata diya min jî ji Mêrdînê ye, û malbata bavê min jî ji Diyarbekirê ye, bêriya çil salan ji Şamê hatine Londrayê. Û êdî Jwan ji xwa ra dibêjî Londrayî :/
Min dît ku mêrik hinekî kurdî zane, hebekî xebitîye lê ji ber bêpratîkbûnê nikare biaxive. Û malbata wan jî her bi wan re inglîzî xeber daye :/ heyfa zimanê me!!
45 deqqe dersê berdewam kir paşê min got em li vir bisekinin, û heke tu bixwazî em dikarin hefteyê du caran hev bibînin û ez alîkariya te bikim. Gelekî bextewar bû, got ez çawa dikarim haqê te bidim, min jî go ''hewl bide û kurê xwe hînî kurdî bike''
Piştî vê gotina min em her du jî gelekî hestiyar bûn :((
Wî jî got jixwe ez ji ber wî dixwazim kurdî hîn bibim.
ez naxwazim ew wek min bibe...
0 şîrove